བྱང་ཆུབ་ཐུགས་ལ་མངའ་བརྙེས་གསེར་གླིང་པ།

འབྱུང་གནས།:རྒྱལ་སྐྱོངས་ཆོས་འཁོར་གླིང་། རྩོམ་པ་པོ།:ཡོངས་འཛིན་ཡེ་ཤེས་རྒྱན་མཚན། དུས་ཚོད།:2009-03-04 Tag: བཀོད་པ།:

བྱང་ཆུབ་ཐུགས་ལ་མངའ་བརྙེས་གསེར་གླིང་པ།

ཞེས་བསྔགས་པ། སེམས་དཔའ་ཆེན་པོ་གསེར་གླིང་པ་ཆོས་ཀྱི་གྲགས་པ་ཞེས་

བྱ་བ་དེ་ནི་ཚེ་རབས་མང་པོར་བྱང་ཆུབ་ཀྱི་སེམས་ལ་གོམས་པར་མཛད་པས་

ཐུགས་སྙིང་རྗེའི་དབང་དུ་གྱུར་ཏེ་ཐེག་པ་ཆེན་པོའི་བསྟན་པའི་སྲོག་འཛིན་

པའི་སྨོན་ལམ་རླབས་པོ་ཆེའི་མཐུ་གྲུབ་སྟེ་གསེར་གླིང་དུ་རྒྱལ་པོའི་སྲས་སུ་སྐུ་

འཁྲུངས། གསེར་གླིང་དེ་ནི་གླིང་བཞི་དང་གླིང་ཕྲན་བརྒྱད་གང་ཡང་མིན་ཞིང

འཛམ་བུའི་གླིང་དང་ཅུང་ཟད་ཉེ་བའི་ཕྱོགས་ན་མཐའ་རྒྱ་མཚོས་བསྐོར་ཞིང་

གསེར་དང་དངུལ་ལ་སོགས་པ་རིན་པོ་ཆེ་མང་པོའི་འབྱུང་ཁུངས་ཡོད་པ། ཕྱོགས་ཐམས་ཅད་ནགས་ཚལ་སྔོན་པོའི་འཕྲེང་བ་འཁྲིགས་པས་བརྒྱན་པ།མེ་ཏོག་པདྨ་དང་ཨུཏྤལ་ལ་སོགས་པ་ཡིད་དུ་འོང་བ་མང་བོ་སྐྱེ་བའི་གནས་ལྷའི་

དགའ་ཚལ་ལྟ་བུ་ཞིག་ཡོད་དེ། རང་བཞིན་གྱི་དཔའ་བོ་དང་རྣལ་འབྱོར་མ་

མང་པོ་བཞུགས་པའི་གནས་ཡུལ་ཉེར་བཞིའི་ནང་ནས་སུ་ལྦརྣ་དྰི་པ་ཞེས་པ་དེ་ཡིན་པར་གྲགས་སོ། དེ་འདྲ་བའི་གླིང་དེར་རྒྱལ་སྲས་བདག་ཉིད་ཆེན་པོ་འདི་རྒྱལ་པོའི་སྲས་སུ་

འཁྲུངས་ནས་རིང་པོ་མ་ལོན་པར་སི་ན་སི་ན་ཞེས་དཀོན་མཆོག་ལ་སྐྱབས་སུ་།

འགྲོ་བའི་ཚིག་རྒྱུ་དུ་བརྗོད་པ་ཞིག་བྱུང་། ཡུལ་དེར་རེས་སངས་རྒྱས་ཀྱི་བསྟན་

པ་དར། རེས་མུ་སྟེགས་དར་བ་ལས་དེ་སྐབས་མུ་སྟེགས་དར་བའི་སྐབས་ཡིན་

ཡང་རྒྱལ་པོའི་སྲས་སོང་བས་སུས་ཀྱང་བཟློག་པར་བྱེད་མ་ནུས་སོ།

རྒྱལ་བུ་དེ་

ཆེར་སྐྱེས་ནས་རི་ཕུག་ཅིག་ནས་རྒྱལ་བ་ཤྰཀྱ་ཐུབ་པའི་སྐུ་ལི་མ་གཅིག་རྙེད་དེ་

བྱུང་། དེ་ལ་མཆོད་པ་སྣ་ཚོགས་བྱས་པས་གླིང་དེ་སྔར་ལས་བདུན་འགྱུར་གྱིས་

ལོ་ལེགས་པ་དང་།ནད་མེད་པ་དང་གནོད་པ་ཉུང་བ་ལ་སོགས་པ་བཀྲ་ཤིས་

པར་གྱུར་ཏོ། དེས་གསེར་གླིང་པ་ཐམས་ཅད་སངས་རྒྱས་ཀྱི་བསྟན་པ་ལ་དད་

ནས་རྒྱལ་བུ་འདི་ཆོས་འཚོལ་དུ་བཏང་བ་དྲག་ཟེར་བས་རྒྱལ་བུ་ཤིན་ཏུ་

དགྱེས་ནས། འཛམ་གླིང་དུ་བྱོན་པས་རྡོ་རྗེ་གདན་དུ་སྲིན་པོ་རྣམས་མཆོད་པ་

ལ་འོངས་པ་དང་དུས་མཚུངས་པར་གྱུར། དེའི་ཚེ་གང་ཟག་ཡོན་ཏན་ཅན་

ཐམས་ཅད་དེར་འདུ་བ་ཡིན་པས་མཁས་པ་དང་གྲུབ་པ་མང་པོ་འདུས་ཀྱང་

བླ་མ་འདི་དམ་པ་གཞན་ལ་མོས་པ་མ་སྐྱེས་མ་ཧྰ་ཤྰི་རཏྣ་ལ་མོས་པ་ཆེན་སྐྱེས་

ནས་ཞན་བདུན་འགྲོགས་ནས་སློབ་དཔོན་དེ་མེད་དེ་སོང་། རྒྱལ་བུས་ཕྱོགས་

ཀུན་ཏུ་བཙལ་ཅིང་དྲིས་ཀྱང་མ་རྙེད་པས་ངལ་ནས་གཉིད་ལོག་པའི་རྨི་ལམ་དུ་བྱིས་པ་གཉིས་གླུ་ལེན་པ་ལ། རང་ཡུལ་འཁོར་དང་ལོངས་སྤྱོད་བོར། སྨིན་པ་གཅིག་གིས་རྩད་མ་ཆོད། རིང་ནས་ཕུང་ངམ་མྱུར་དུ་ཕུང། རིགས་དག་

བཟང་སྟེ་ཤེས་རབ་ཆུང་།སྨིན་པ་གཅིག་གིས་རྩད་མ་ཆོད།རིང་ནས་ཕུང་ངམ་མྱུར་དུ་ཕུང་། རིགས་དག་བཟང་སྟེ་ཤེས་རབ་ཆུང་། ཟེར་བ་རྨིས། དེར་རྒྱལ་བུ་གཉིད་སད་པ་ན་སློབ་དཔོན་མ་ཧྰ་ཤྰི་རཏྣ་ཞེས་སྐྱེས་མཆོག་བྱམས་པའི་རྣལ་འབྱོར་པ་ཆེན་པོ་དངོས་སུ་བཞུགས་པ་མཐོང་བ་ན་དད་གུས་

ཚད་མེད་པས་མནྡལ་ཕུལ་ཏེ་གསོལ་བ་བཏབ་བསེ་བླ་མ་དེས་དགྱེས་བཞིན་

དུ་ཞལ་གྱིས་བཞེས་ནས་རྒྱལ་བའི་བསྟན་པ་ལ་རབ་ཏུ་བྱུང་ཞིང་བསྙེན་པར་རྫོགས་སྡེ་སྣོད་གསུམ་དང་རྒྱུད་སྡེ་བཞིས་བསྡུས་པའི་མན་ངག་ཟབ་པ་དང་

རྒྱ་ཆེ་བའི་ལམ་གྱི་རིམ་པའི་ལུས་ཡོངས་སུ་རྫོགས་པ་སྐྱེས་བུ་གསུམ་གྱི་ལམ་གྱི་

རིམ་པ་མཐའ་དག་པར་གསན་པས་སྣོད་གཅིག་ནས་གཅིག་ཏུ་བྱོ་བ་བཞིན་དུ་ཐུགས་སུ་ཆུད། མཚན་ཡང་གསེར་གླིང་པ་ཆོས་ཀྱི་གྲགས་པ་ཞེས་བཏགས། རྒྱ་

གར་གྱི་མཁས་གྲུབ་གཞན་མང་པོ་ལའང་མདོ་སྔགས་ཀྱི་ཆོས་ཀྱི་མང་དུ་གསན་ཞིང་། གཙོ་ཆེར་བླ་མ་བྱམས་པའི་རྣལ་འབྱོར་པ་ཆེན་པོ་ལ་བརྟེན་ཏེ་ལོ་

བདུན་གྱི་རིང་ལ་ཆོས་གསན་པ་དང་བྱང་ཆུབ་ལམ་གྱི་རིམ་པ་བསྒོམ་བཞིན་

བཞུགས་པས་ལམ་གྱི་རིམ་པའི་དམིགས་སྐོར་མཐའ་དག་ལ་ཉམས་མྱོང་གི་

རྟོགས་པ་ཕུལ་དུ་བྱུང་བ་ཐོབ། མངོན་པར་རྟོགས་པའི་རྒྱན་དང་ཤེར་ཕྱིན་

གྱི་མདོ་སྡེ་སྦྱར་བའི་མན་ངན་ལ་སྦྱངས་པས་མཁས་པའི་ཕུལ་དུ་ཕྱིན་པར་

གྱུར། ཁྱད་པར་དུ་ཡང་མགོན་པོ་འཇམ་པའི་དབྱངས་ནས་རྒྱལ་སྲས་ཞི་བ་

ལྷ་ལ་བརྒྱུད་པའི་མན་ངག་བདག་པས་གཞན་གཅེས་པའི་བྱང་ཆུབ་ཀྱི་སེམས་རིམ་པོ་ཆེ་རླབས་ཆེན་པོ་ཐུགས་ལ་འཁྲུངས་ཏེ་དེ་ཁོ་ཐུགས་དམ་གྱི་མཐིལ་

དང་། ས་ལམ་འབྲས་བུ་དང་བཅས་པ་གཞན་ཐམས་ཅད་དེའི་ཡང་ལག་ཏུ་

འགྲོ་བ་ཞིག་བྱུང་བས་དུས་དེའི་ཚེ་བྱང་ཆུབ་ཀྱི་སེམས་ཀྱི་བདག་པོར་གྲགས་

དོན་གྱི་དབང་འདི་གཟིགས་ནས་རྗེ་བདག་ཉིད་ཆེན་པོས་བྱང་ཆུབ་ཐུགས་ལ་

མངའ་བརྙེས་ཞེས་བསྔགས་པ་མཛད་པ་ཡིན་པ་ཡིན་ནོ། བྱམས་སྙིང་རྗེ་བྱང་

ཆུབ་ཀྱི་སེམས་ཆེས་ཆེར་རྒྱས་པས་སྐྱེས་བོ་རྣམས་ཀྱིས་མེེ་ཏྲི་པ་ཞེས་བྱམས་པའི་མཚན་ནས་འབོད་དེ་འདི་ལ་གསེར་གླིང་མེེ་ཏྲི་པ་ཞེས་གྲགས། དེ་ནས་གསེར་

གླིང་པས་ཐུགས་ལ་བཞེད་པའི་དོན་ཐམས་ཅད་གྲུབ་ནས་གསེར་གླིང་དུ་བྱོན་ཏེ་རྒྱལ་བའི་བསྟན་པ་རྒྱ་ཆེར་སྤེལ་བས་ཡུལ་དེའི་སྐྱེ་བོ་ཐམས་ཅད་ཀྱི་གཙུག་གི་ནོར་བུ་ལྟར་བུར་གྱུར་ཏོ། དེ་ནས་གསེར་གླིང་པས་ཡུལ་དེའི་སྐྱེ་བོ་ཐམས་ཅད་དང་འཛམ་བུའི་གླིང་ནས་ཆོས་དོན་གཉིར་གྱིས་ལྷགས་པ་ཐམས་ཅད་ལ་ཐེག་ཆེན་པོའི་ཆོས་རྒྱ་ཆེར་

བསྟན་ཏེ་ཆོས་ཀྱིས་མཐོ་བའི་ཁང་བཟང་མི་ཡུལ་དུ་བབས་པ་འདྲ་བར་ཐེག་

པ་ཆེན་པོའི་ཆོས་ཀྱི་སྒྲ་དབྱངས་ཀྱིས་ཕྱོགས་ཀུན་ཏུ་ཁྱབ་ཅིང་ཡུལ་དེའི་སྐྱེ་བོ་

ཕལ་པ་དག་ཀྱང་དཀོན་མཆོག་གསུམ་ལ་སྐྱབས་སུ་འགྲོ་བའི་ཚིག་ཁོ་ན་ཁ་

ཏོན་དུ་བྱེད་ཅིང་། བྱང་ཆུབ་ཏུ་སྨོན་ལམ་འདེབས་དང་པ་རང་བཞིན་གྱི་དགེ་

བའི་ལས་ལ་བརྩོན་ཞིང་དུས་རྟག་ཏུ་དཀོན་མཆོག་མཆོད་པ་ལྷུར་བྱེད། མུ་སྟེགས་ཀྱི་སྨྲ་བ་ངན་པ་རྣམས་ནི་ཉིན་བྱེད་ཤར་བའི་དུས་ཀྱི་འབྱུང་པོའི་བྱ་

ལྟར་སྨྲ་བ་ནུབ་པར་གྱུར་ཏོ། དེ་ནས་གསེར་གླིང་པ་ཆེན་པོས་རྒྱལ་བསྟན་ཡུན་

རིང་དུ་གནས་པའི་ཕྱིར་དུ་བྱང་ཆུབ་ལམ་གྱི་རིམ་པའི་མན་ངག་མདོ་རྒྱན་

སྦྱར་བའི་འགྲེལ་པ་རྨད་དུ་བྱུང་བ་ཞིག་ཀྱང་མཛད་ཅིང་། བློ་སྦྱོང་སེམས་

དཔའི་རིམ་པ་དང་།

བློ་སྦྱོང་རྟོགས་པ་འབུར་འཇོམས། འཕགས་པ་མི་གཡོ་

བའི་སྒྲུབ་ཐམས། མངོན་རྟོགས་རྒྱན་གྱི་འགྲེལ་པ་གཙོ་བོའི་དོན་བཅུ་གཅིག་

ཏུ་བསྡུས་པ། བསླབ་པ་ཀུན་ལས་བཏུས་པའི་མངོན་པར་རྟོགས་པ། ཚོགས་

བདག་ཁྲོ་བོའི་སྒྲུབ་ཐབས་སོགས་མཛད་དོ། དེ་ལྟར་བདག་གཉིད་ཆེན་པོ་

འདིས་སྤྱིར་བསྟན་པ་ལ་བྱ་བ་རྒྱ་ཆེན་མཛད་ཅིང་། ལྷག་པར་ཇོ་བོ་རྗེ་དཔལ་

ལྡན་ཨ་ཏི་ཤ་ལ་གསེར་གླིང་གི་ཕོ་བྲང་ཉིད་དུ་ལོ་བཅུ་གཉིས་བར་ཐེག་ཆེན་

པོའི་ལམ་གྱི་རིམ་པའི་མན་ངག་ཡོངས་སུ་རྫོགས་པ་གེགས་སེལ་བོགས་འདོན་

དང་བཅས་པ་གནང་བས་ཇོ་བོ་རྗེའི་ཐུགས་ཀྱི་བུམ་བཟང་བྱང་ཆུབ་ཀྱི་སེམས་ཀྱི་བདུད་རྩིས་ཡོངས་སུ་གང་བས་བྱང་ཀྱི་སེམས་རིན་པོ་ཆེའི་མཐུས་མཐོང་

ཐོས་དྲན་རེག་ཐམས་ཅད་རྗེས་སུ་འཛིན་ཅིང་སྨིན་གྲོལ་ལ་འགོད་ནུས་པ་དང་པཎ་གྲུབ་གཞན་ལས་འཕྲིན་ལས་ཀྱི་ཁྱབ་བརྡལ་ཆེ་བ་དང་། ལྷག་པར་བྱང་ཕྱོགས་གངས་རིའི་ཁྲོད་ཀྱི་འགྲོ་བ་དམུ་རྒོད་ཤིན་ཏུ་གདུལ་

དཀར་བ་རྣམས་ཀྱང་ཇོ་བོ་རྗེའི་སྐུ་མཐོང་། གསུང་ཐོས་པ་དང་།ཐ་ན་མཚན་

ཙམ་ཐོས་པ་ཡན་ཆད་དད་ཅིང་འདུན་པ་དང་ཇོ་བོའི་མཚན་ཐོས་ཏེ་སྐུའི་

རྣམ་པ་ཡིད་ལ་དྲན་པ་ན་རང་རང་གི་ཉོན་མོངས་གདུག་རྩུབ་རྣམས་སྐད་

ཅིག་ལ་ཞི་ནས་དད་པ་དང་མོས་པ་ངང་གིས་སྐྱེ་བ་དང་། སྙིགས་མ་ལས་ཀྱང་

ཆེས་ཆེར་སྙིགས་པའི་དུས་མཐའ་འདིར་རང་རང་གི་ཡུལ་གྱི་རྒན་པོ་སྔ་མ་

དག་གི་ཟེར་སྒྲོས་ལ་ཞེན་ཏེ་བདག་ཅག་གི་འདི་ཁོ་ན་བདེན་གྱི་གཞན་ནི་ཏི་མུག་གོ་ཞེས་ཆགས་སྡང་རླུང་དམར་འཚུབ་པས་ཕྱོགས་ཀུན་གང་སྟེ་སྐྱེ་བོ་

དམ་ཅི་འདྲ་ཞིག་བྱོན་ཡང་དད་པ་སྐྱེ་དཀའ་བ་ལ་ཇོ་བོ་རྗེ་དཔལ་ལྡན་ཨ་ཏི་ཤ་ལ་ནི་གྲུབ་མཐའ་དང་ཡུལ་དང་སྡེ་དགོན་རིས་སུ་མ་ཆད་པར་མཆོག་

དམན་བར་མ་མཐའ་དག་ལའང་རང་གིས་ཉམས་སུ་ལེན་པར་མ་ནུས་ཀྱང་

འདི་ནི་གཞན་ནོ་ཞེས་མི་སྤང་བར་སྨོན་ལམ་གྱི་ཡུལ་དུ་བྱེད་པ་འདི་བྱུང་བ་ཡིན་ནོ། དོན་གྱི་དབང་འདི་གཟིགས་ནས་ཇོ་བསྟོད་དུ། གསེར་གླིང་རྒྱལ་པོ་ས་

སྐྱོང་བླ་མ་ལས། བྱང་ཆུབ་སེམས་ཀྱི་བདུད་རྩིའི་སྨན་བླངས་ནས། འགྲོ་བ་ཀུན་

ལ་ཕན་པར་མཛད་པ་ཡི། དཔལ་ལྡན་ཨ་ཏི་ཤ་ལ་གསོལ་བ་འདེབས། ཞེས་གསུངས་སོ། དེ་ལྟར་གསེར་གླིང་པ་ཆེན་པོ་ཆོས་ཀྱི་གྲགས་པས་བསྟན་

འགྲོའི་དོན་རྒྱ་ཆེར་མཛད་ནས་སྐུ་ཚེ་དེའི་དངོས་ཀྱི་གདུལ་བྱ་རྫོགས་པ་ན་

སྐུའི་བཀོད་པ་ཆེན་པོ་ཆོས་ཀྱི་གྲགས་པས་བསྟན་འགྲོའི་དོན་རྒྱ་ཆེར་མཛད་

ནས་སྐུ་ཚེ་དེའི་དངོས་ཀྱི་གདུལ་བྱ་རྫོགས་པ་ན་སྐུའི་བཀོད་པ་བསྡུས་ཏེ་

དགའ་ལྡན་ཆོས་ཀྱི་ཕོ་བྲང་དུ་གཤེགས་སོ། དེས་ན་བྱང་ཆུབ་ལམ་གྱི་རིམ་པ་

ལ་བློ་སྦྱོང་བར་འདོད་པ་རྣམས་ཀྱིས་བླ་མ་གསེར་གླིང་པ་ཆེན་པོ་ལ་གསོལ་བ་

འདེབས་ཤིང་རྒྱལ་སྲས་བདག་ཉིད་ཆེན་པོ་འདིའི་རྣམ་ཐར་ལྟར་བྱང་ཆུབ་ཀྱི་

སེམས་རིན་པོ་ཆེ་དགེ་སྦྱོར་གྱི་མཐིལ་དུ་བཟུང་ནས་གསུང་རབ་དགོངས་

འགྲེལ་དང་བཅས་པ་ཐམས་ཅད་བྱང་ཆུབ་ཀྱི་སེམས་རིན་པོ་ཆེ་མ་སྐྱེས་པ་

བསྐྱེད་པ་དང་། སྐྱེས་ཟིན་གོང་ནས་གོང་དུ་འཕེལ་བའི་ཐབས་སུ་གོ་བར་བྱས་

ལ་ལམ་གྱི་ལུས་ཡོངས་སུ་རྫོགས་པའི་ཉམས་ལེན་ལ་བརྩོན་པ་ཆིག་བསྒྲིལ་དུ་བྱའོ།།

 


དཔྱད་བརྗོད་གསར་པ།དཔྱད་བརྗོད་ཀྱི་གྲངས་ཀ0
དཔྱད་པ་བརྗོད་པ།
དཔྱད་བརྗོད་ཀྱི་ནང་དོན།:ཡིག་འབྲུ་ལྔ་བརྒྱ་ལས་འདས་མི་ཆོག
རུས་མིང་།: གསང་རྟགས:
གསང་མིང་།
ཐོ་བཀོད།