འགྲོ་ཀུན་བརྩེ་བས་རྗེས་འཛིན་དགེ་བ་ཅན།

འབྱུང་གནས།:རྒྱལ་སྐྱོང་ཆོས་འཁོར་གླིང་། རྩོམ་པ་པོ།:ཡོངས་འཛིན་ཡེ་ཤེས་རྒྱན་མཚན། དུས་ཚོད།:2009-03-04 Tag: བཀོད་པ།:

འགྲོ་ཀུན་བརྩེ་བས་རྗེས་འཛིན་དགེ་བ་ཅན།

ཞེས་བསྔགས་པ། དེ་བ་ཅན་ནམ་ཀུ་ས་ལི་ཆུང་བ་མཚན་དངོས་རིན་ཆེན་སྡེ།

རྗེས་སུ་ཐུགས་དམ་ཉམས་རྟོགས་ལས་དཔགས་ཏེ་མཚན་དུ་གསོལ་བ་བླ་མ་

བྱམས་པའི་རྣམས་པར་གྲགས་པ་འདི་ནི།

ལུང་དང་རྟོགས་པའི་ཡོན་ཏན་གྱི་

མངོན་པར་མཐོ་བ་ཐུབ་བསྟན་ཡོངས་རྫོགས་ཀྱི་བདག་པོར་བཞུགས་པ་ཞིག་སྟེ།

སྐུ་གཞོན་ནུ་ནས་རྒྱལ་བའི་བསྟན་པ་ལ་རབ་ཏུ་བྱུང་། བསྙེན་པར་རྫོགས་པའི་

སྡོམ་པ་བཞེས་ནས་སྡེ་སྣོད་གསུམ་ལ་སྦྱངས་ཏེ་མཁས་པའི་ཕུལ་དུ་ཕྱིན་པར་གྱུར་

ཅིང་།ཀུ་ས་ལི་ཆེ་བ་བསམ་སྦྱོར་གཉིས་ཀྱིས་ཚུལ་བཞིན་དུ་བསྟེན་ཏེ་སྡེ་སྣོད་གསུམ་

དང་རྒྱུད་སྡེ་བཞིས་བསྡུས་པའི་མན་ངག་མཐའ་དག་གསན་ཏེ་ཡོངས་སུ་རྫོགས་པ་

ཐུགས་ལ་ཆུད་པར་མཛད། གདམས་ངག་དེ་དག་ཐམས་ཅད་ཀྱང་ཐོས་པ་ཙམ་ཞིག་

ཏུ་མ་ལུས་པར་མན་ངག་སོ་སོ་ལ་སྦྱངས་ཏེ་ཉམས་ལེན་སྙིང་པོར་མཛད་ནས་གདམས་ངག་སོ་སོའི་ནུས་པ་ཐོན་པར་མཛད་ཅིང་ལྷག་པར་རྗེ་བཙུན་བྱམས་ནས་བརྒྱུད་

པའི་རྒྱ་ཆེ་བའི་ལམ་གྱི་རིམ་པ་དང་། དཔལ་མགོན་འཕགས་པ་ཀླུ་སྒྲུབ་ནས་བརྒྱུད་

པའི་ཟབ་མོའི་ལམ་གྱི་རིམ་པ་གཉིས་ལམ་གྱི་རིམ་པ་གཅིག་ཏུ་དྲིལ་བ་ཐེག་པ་ཆེན་པའི་ལམ་གྱི་རིམ་པའི་ལུས་ཡོངས་སུ་རྫོགས་པ་ལ་ཆུ་བོའི་རྒྱུན་བཞིན་དུ་ཡུན་བསྲིངས་

ཐུགས་ལ་ཁྲུངས་ཤིང་ནས་ཉམས་ལེན་མཛད་པས་ལམ་གྱི་རིམ་པའི་རྟོགས་ཡོངས་སུ་རྫོགས་པ་ཐུགས་ལ་ཁྲུངས་ཤིང་དེའི་ནང་ནས་ཀྱང་བྱམས་སྙིང་རྗེ་བྱང་ཆུབ་ཀྱི་སེམས་ལ་ཐུགས་དམ་གྱི་མཐིལ་དུ་མཛད་པས་བདག་པས་གཞན་གཅེས་པའི་བྱང་ཆུབ་ཀྱི་སེམས་རིན་པོ་ཆེ་བཅོས་མ་ཡིན་པ་ཐུགས་ལ་ཁྲུངས། བླ་མ་འདི་ཆོས་གསུང་

བའི་རྩ་རུ་མི་གཅིག་གིས་ཁྱི་ལ་དབྱུག་པ་བརྒྱབ་པས་བླ་མ་ཨ་གསུངས་ནས་འགྱེལ་

བ་ལ་གཞན་རྣམས་ཀྱི་རྟོག་པ་ལ་ཁྱི་ལ་ཅི་ཡང་མི་སྟོ་བར་འདུག་པ་ལ་ཚུལ་ཆོས་རེ་ཆེ་སྙམ་པ་བྱུང་བས། བླ་མས་དེ་མཁྱེན་ནས་སྐུ་རྒྱབ་བསྟན་པས་ཁྱི་ལ་བརྒྱབ་པའི་

ཐད་ན་ཁྱུ་རེ་སྐྲངས་འདུག་པས་ཐམས་ཅད་ཡིད་ཆེ་སོ། དེ་ལྟར་ཀུ་ས་ལི་ཆུང་

བའམ་བླ་མ་བྱམས་པའི་རྣལ་འབྱོར་པ་ཞེས་བྱ་བ་དེ་ནི་དབེན་པའི་གནས་སུ་

བྱམས་སྙིང་རྗེ་བྱང་ཆུབ་ཀྱི་སེམས་ལ་ཐུགས་དམ་གཙོ་བོར་མཛད་ནས། ཀྭ་ཡེ་ཕ་མར་གྱུར་པའི་འགྲོ་བ་མ་ལུས་དྲང་བའི་ཕྱིར། བདག་ལ་ཡོད་པའི་ཉོན་

མོངས་དུག་ལྔ་གང་དག་གིས། སེམས་ཅན་རྣམས་རྣམས་ཀྱི་དུག་ལྔ་མ་ལུས་དྲང་

བར་བྱ། འདོད་ཆགས་ལ་སོགས་མེད་པའི་དགེ་བ་གང་ཡོད་པ་རྣམས། འགྲོ་དྲུག་

སེམས་ཅན་རྣམས་ལ་སྙོམས་པར་བྲིམས་པར་བྱ། །ན་ཚ་ལ་སོགས་འབྲས་བུར་གྱུར་

པའི་སྡུག་བསྔལ་གྱིས། དེ་དང་རིགས་མཐུན་སྡུག་བསྔལ་མ་ལུས་དྲང་བར་བྱ། དེ་

ལྟར་བྱས་ན་རང་ཉིད་འཁོར་བའི་རྒྱ་མཚོ་འདིར། སྐད་ཅིག་ཙམ་ཡང་འཁྱམས་

པའི་གོ་སྐབས་ག་ལ་སྲིད། འོན་ཀྱང་ཇི་སྲིད་བྱང་ཆུབ་མ་ཐོབ་བར། མྱོང་འགྱུར་ཉོན

མོངས་རྒྱུ་འབྲས་ཇི་ཉིད་པ། ཐམས་ཅད་སྐྱེ་བ་འདི་ལ་ཡོངས་སུ་རྫོགས་པར་བྱ། དེ་ཡང་ད་ལོ་ཟླ་བ་འདི་ལ་དྲང་བར་བྱ། དེ་ཡང་དེ་རིང་ད་ཉིད་དུ་རྫོགས་པར་བྱས

ནས། སྡུག་བསྔལ་བྲང་བྲེང་རབ་ཆད་ཙམ་ཞིག་ཐབས་སུ་བསྟེན། བློ་འདི་འབྱོངས་

པར་གྱུར་ཅིག་བྱམས་པའི་རྣལ་འབྱོར་པ་ཞེས་བྱམས་སྙེང་རྗེ་བྱང་ཆུབ་ཀྱི་སེམས་གྱི་ཉམས་མགུར་མཛད་ཅིང་ཆུ་བོ་གངྒྰའི་འགྲམ་དུ་སྒོམ་ཞིང་བཞུགས་པ་ན། རྗེ་བཙུན་བྱམས་པ་མགོན་པོ་མདུན་དུ་བྱོན་ནས་ཞལ་བསྟན་ཏེ། ཐོས་པ་ཙམ་གྱིས་

ངན་འགྲོའི་སྡུག་བསྔལ་སེལ་བའི་གླུ། བསམ་པ་ཙམ་གྱི་འཁོར་བའི་ལྗོན་པ་གཅོད་

པའི་གླུ། བསྒོམས་པ་ཙམ་གྱིས་བྱང་ཆུབ་མྱུར་དུ་འབྱིན་པའི་གླུ། བྱམས་པ་སྙིང་རྗེ་

བྱང་ཆུབ་སེམས་ཀྱི་གླུ་འདི་མཚར། ཉོན་མོངས་དུག་ལྔས་དགྲ་བཞིན་འཇོམས་པར་

རིག་ན་ཡང་། ཁྱེད་ཀྱི་འདི་ལྟར་ན་ནི་ངོ་མཚར་རྨད་དུ་བྱུང་། རང་དོན་ཡལ་བར་

དོར་ནས་གཞན་དོན་ལྷུར་མཛད་ཚེ། རང་དབང་མེད་པར་འཁོར་བར་འཁྱམས་པ་

སུ་བཀའ། དེས་ན་རང་དོན་བསམ་པ་སྐད་ཅིག་མ་འཁྲིས་པར། གཞན་གྱི་མི་འདོད་

བདག་གིས་ལན་པ་དམ་པ་ཡིན། ཐེག་པ་ཆེན་པོའི་སུང་རབ་མཐའ་ཡས་མུ་མེད་

ཀྱང་འདི་རུ་མ་འདུས་རྡུལ་ཙམ་གང་ཡང་ཡོད་མ་ཡིན། དེ་ཕྱིར་རྣལ་འབྱོར་ཁྱེད་

ཀྱི་རྡོ་རྗེའི་གླུ་དབྱངས་འདི།

ཐོས་སམ་བསམ་མམ་སྒོམ་མམ་བཤད་ཀྱང་རུང་འཇིག

་རྟེན་ལྷ་དང་བཅས་པའི་སྐྱབས་གནས་དམ་པ་སྟེ། ཕྱོགས་བཅུའི་རྒྱལ་བ་རྣམས་

ཀྱི་ཐུགས་ཉིད་ཁུ་དེ། ཁྱེད་ཀྱི་བློ་ལ་ཤར་བ་ངོ་མཚར་ཤིན་ཏུ་ཆེ། ཞེས་ཐུགས་ཤིན་ཏུ

་མཉེས་པའི་སྒོ་ནས་དབུགས་དབྱུང་བར་མཛད་པས། བྱམས་སྙིང་རྗེའི་རྟོགས་པ་

རྒྱ་ཆེར་འཕེལ་ཞིང་ཐེ་ཚོམ་གྱི་མདུད་པ་གྲོལ་ནས། མཐོང་ཐོས་དྲན་རེག་ཐམས་

ཅད་དུ་དྲན་པ་བརྗེད་པ་མ་མཆིས་པར་ཆོས་འདི་བློ་ལ་སྦྱངས་ཤིང་ཁམས་བསོས་

རྡོ་རྗེའི་གླུ་དབྱངས་འདི་བླངས་པས། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེའི་ཚོགས་དང་།

ཤ་ཟ་དང་།  སྲིན་པོ་ལ་སོགས་པ་མ་རང་གི་བུ་གཅིག་པུ་ལ་བྱམས་པ་བཞིན་དུ་

གུས་པར་དབང་དུ་འདུས་པར་གྱུར་ཏོ། གཞན་ཡང་ཡུལ་གྱི་རྒྱལ་པོ་དང་། བློན་པོ་

དང་། བཙུན་མོ་དང་། བྲམ་ཟེ་དང་། ཁྱིམ་བདག་དང་། ཁྱིའུ་བུ་མོ་དམངས་རིགས་

ལ་སོགས་པ་ཐམས་ཅད་དབང་དུ་འདུས་ཏེ། དགའ་བས་རྗེས་སུ་འབྲང་ཞིང་མཐོང

་བ་དང་ཐོས་པ་ཐམས་ཅད་ཀྱང་བྱམས་པའི་རང་བཞིན་ཅན་དུ་གྱུར་རོ།

གཞན་ཡང་རྟ་དང་གླང་པོ་ཆེ་དང་མ་ཧེ་དང་སྤྲེའུ་དང་འདབ་ཆགས་རྣམས་དང་གཅན་གཟན་གྱི་ཚོགས་རྣམས་དང་། ཐ་ན་སྲོགས་ཆགས་གྲོག་སྦུར་ཡན་ཆད་མི་

འཇིགས་ཤིང་། བག་ཕེབས་ནས་རྣལ་འབྱོར་པའི་དྲུང་དུ་འཁོད་པར་གྱུར་ཏོ། དེ་ལྟར་རྣལ་འབྱོར་པའི་ཐུགས་ཀྱི་དགོངས་ནས་སླར་ཡང་། ཐོག་མེད་དུས་ནས་ཉེ་

བར་འབྲེལ་བ་ཡི། ཕ་མར་གྱུར་པའི་སེམས་ཅན་མ་ལུས་པ། བྱང་ཆུབ་མཆོག་ལ་

འགོད་པའི་ཡི་དམ་པསམ། ཆོས་འདིས་བྱམས་པ་མགོན་ལ་མཆོད་པར་བགྱི། དེ་ཚེ་རང་དོན་སྐད་ཅིག་མ་འཁྲིས་པར། གཞན་དོན་འབའ་ཞིག་སྙིང་ལ་གོམས་

པར་བྱ། འདི་ནི་བྱང་ཆུབ་བསྒུབ་པའི་གཙོ་བོ་ཡིན། ཆོས་འདིས་བྱམས་པ་མགོན་

ལ་མཆོད་པར་བགྱི། བདེ་སྡུག་བཏང་སྙོམས་ཚོར་བ་ཅི་བྱུང་ཡང་། བྱང་ཆུབ་འབྱིན་

པའི་གྲོགས་སུ་དང་དུ་བླངས། བསྐལ་པ་དུ་མར་བསོད་ནམས་ཅི་གསོག་ཀྱང་། ཉན་

ཐོས་སྡར་མའི་ཆོས་སུ་ཤོར་མ་གྱུར།

ཆོས་འདིས་བྱམས་པ་མགོན་ལ་མཆོད་པར་

བགྱི། དེ་ཙམ་ཞིག་ཏུ་མི་འདོད་ཅི་བྱུང་ཡང་། བཟོད་པའི་གོ་ཆ་ཅུང་ཟད་ཤོར་མ་

གྱུར། ལྷག་པར་དྲིན་གྱིས་བསྐྱངས་པའི་སྐྱེ་བོ་ཡིས། ལོག་སྒྲུབ་བྱས་ཀྱང་འཛུམ་པའི་

བཞིན་གྱིས་བསྐྱངས། ཆོས་འདིས་བྱམས་པ་མགོན་ལ་མཆོད་པར་བགྱི། སྡང་བའི་

སྐྱེས་བོའི་ཕྱོགས་ནས་སྡིག་བསགས་ཀྱང་། ངན་པའི་བསམ་པ་སྐད་ཅིག་ཤོར་མ་གྱུར

སྣང་སྲིད་བདུད་དང་ལྷ་འདྲེ་དགྲར་ལངས་ཀྱང་། རང་འདོད་འཁྲིས་པའི་བསྲུང་

སྐྱོབ་བྱེད་མ་མྱོང་། ཆོས་འདིས་བྱམས་པ་མགོན་ལ་མཆོད་པར་བགྱི། ངེས་པའི་འཆི་

བའི་ནད་ཀྱིས་བཏབ་གྱུར་ཀྱང་། ཆོས་མིན་དག་ལ་ཡིད་བརྟན་འཆའ་མ་མྱོང་། སེར་སྣ་གོམ་པས་འབྱོར་པ་ཆུང་ན་ཡང།ལོག་པའི་འཚོ་བས་ལྟོ་གོས་བྱེད་མ་མྱོང་།

ཆོས་འདིས་བྱམས་པ་མགོན་ལ་མཆོད་པར་བགྱི། ངན་པའི་གྲོགས་ཀྱིས་ཀུན་ནས་

བསྐོར་ན་ཡང་།གཉེན་པོའི་རང་ཚུགས་གང་ཡང་བྱེད་མ་མྱོང་།མདོར་ན་འགྲོ་འམ་

འདུག་གམ་ཅི་བྱེད་ཀྱང་། མ་བརྟགས་བྱ་བ་གང་ཡང་བྱེད་མ་མྱོང་། ཆོས་འདིས་

བྱམས་པ་མགོན་ལ་མཆོད་པར་བགྱི། དེ་ལྟར་ཡིན་མོད་འོན་ཀྱང་ཆོས་རྣམས་ལ།

བདེན་པར་རྟོག་པ་རྡུལ་ཙམ་ཡོང་མ་མྱོང་། འདི་ནི་བྱང་ཆུབ་བསྒུབ་པའི་གཙོ་བོ་

ཡིན། ཆོས་འདིས་བྱམས་པ་མགོན་ལ་མཆོད་པར་བགྱི། དེ་ལྟར་ཡིན་མོད་འོན་ཀྱང་

ཆོས་རྣམས་ལ། བདེན་པར་རྟོག་པ་རྡུལ་ཙམ་ཡོང་མ་མྱོང་། འདི་ནི་བྱང་ཆུབ་བསྒུབ

་པའི་གཙོ་བོ་ཡིན། ཆོས་འདིས་བྱམས་པ་མགོན་ལ་མཆོད་པར་བགྱི། དེ་ལྟར་སྒུབ་

པའི་མཆོད་པ་དམ་པའདི། རྣལ་འབྱོར་བདག་གི་བསམ་པ་སྦྱང་བའི་ཕྱིར། བྱམས་

པའི་དཔུང་གིས་ཡོན་འདི་བཞེས་སུ་གསོལ། བཞེས་ལ་བློ་འདི་འབྱོངས་པར་མཛད་

དུ་གསོལ། ཞེས་རྗེ་བཙུན་བྱམས་པ་མགོན་པོ་ལ་སྒུབ་པའི་མཆོད་པ་རྒྱ་ཆེར་ཕུལ།

དེའི་ཚེ་བར་སྣང་ལ་མཆོད་པའི་ལྷ་མོ་ལྔ་དང་། སྒྲ་དང་འོད་ལ་སོགས་པ་ཡིད་དུ་

འོང་བའི་མཆོད་པ་གཞན་ཡང་དཔག་ཏུ་མེད་པའི་རྣམ་པ་བྱུང་བར་གྱུར་ཏོ། 

དེའི་ཚེ་བྱམས་པའི་རྣལ་འབྱོར་པ་ལ་བློ་སྦྱོང་འདི་ཞུ་བ་ཆེས་མང་དུ་བྱུང་ཡང་གཙོ་

བོར་གྱུར་པ་ནི་ཇོ་བོ་རྗེ་ཉིད་དེ། ཇོ་བོ་རྗེ་དཔལ་ལྡན་ཨ་ཏི་ཤ་ཐུབ་བསྟན་ཡོངས་རྫོགས་ཀྱི་བདག་པོར་གྱུར་པ་དང་། ལྷག་པར་བྱང་ཆུབ་ཀྱི་སེམས་ཀྱི་སེམས་རིན་པོ་ཆེའི་བྱིན་རླབས་ཀྱིས་སྐུ་མཐོང་བ་

དང་གསུང་ཐོས་པ་ཐམས་ཅད་རང་དབང་མེད་པར་སེམས་དུལ་བར་འགྱུར་བ་

དང་། ཐ་ན་མཚན་ཐོས་པ་ཙམ་གྱིས་ཀྱང་ཉོན་མོངས་པའི་གདུག་རྩུབ་ཞི་ནས་དད

་པས་ཆོས་ལ་འདུན་པར་འགྱུར་བ་ད་ལྟའི་བར་དུ་བྱིན་རླབས་རྒྱུན་མ་ཆད་པ་འདི་

བྱུང་བ་ཡིན་ནོ།

དེས་ན་བྱང་ཆུབ་ལམ་རིམ་ལ་ཉམས་ལེན་སྙིང་པོར་བྱ་འདོད་པ་རྣམས་ཀྱི་ཀུ་ས་ལི་

ཆུང་བ་སྐྱེས་མཆོག་བྱམས་པའི་རྣལ་འབྱོར་པ་ཆེན་པོ་ལ་གསོལ་བ་འདེབས་ཤིང་

བདག་ཉིད་ཆེན་པོ་འདིའི་རྣམ་ཐར་དྲན་པར་བྱས་ལ་བྱང་ཆུབ་ལམ་གྱི་རིམ་པ་ལ་

བློ་སྦྱོང་ཞིང་ཁྱད་པར་བྱམས་སྙིང་རྗེ་བྱང་ཆུབ་ཀྱི་སེམས་དགེ་སྦྱོར་གྱི་མཐིལ་དུ་

བཟུང་བར་བྱའོ། ཀུན་ས་ལི་ཆེ་ཆུང་གཉིས་པོ་འདི་གང་དུ་འཁྲུངས་པའི་ཡུལ་ཇི་

ལྟར་ཡིན་པ་སོགས་རྣམ་ཐར་རྒྱས་པ་མ་མཐོང་བས་སླར་རྙེད་ན་འདིར་བསྣན་པར་བྱའོ།།

 


དཔྱད་བརྗོད་གསར་པ།དཔྱད་བརྗོད་ཀྱི་གྲངས་ཀ0
དཔྱད་པ་བརྗོད་པ།
དཔྱད་བརྗོད་ཀྱི་ནང་དོན།:ཡིག་འབྲུ་ལྔ་བརྒྱ་ལས་འདས་མི་ཆོག
རུས་མིང་།: གསང་རྟགས:
གསང་མིང་།
ཐོ་བཀོད།