ཡེ་ཤེས་མཁའ་འགྲོ་མ་སེངྒེའི་གདོང་ཅན་གྱི་ཟློག་བ་བཞུགས་སོ

འབྱུང་གནས།:རྒྱལ་སྐྱོང་ཆོས་འཁོར་གླིང་། རྩོམ་པ་པོ།: དུས་ཚོད།:2012-07-30 Tag: བཀོད་པ།:

༈ ཡེ་ཤེས་མཁའ་འགྲོ་མ་སེངྒེའི་གདོང་ཅན་གྱི་ཟློག་བ་བཞུགས་སོ། །

སངས་རྒྱས་ཆོས་དང་ཚོགས་ཀྱི་སོགས་ལན་གསུམ། ཨོཾ་སྭ་བྷཱ་ཤུ་དྡྷཿསརྦ་དྷ་རྨཱཿསྭ་བྷཱཝ་ཤུདྡྷོཉ་ཧཾ།

ཆོས་ཐམས་ཅད་རང་བཞིན་གྱིས་གྲུབ་པས་སྟོང་པའི་སྟོང་པ་ཉིད་དུ་གྱུར། སྟོང་པའི་ངང་ལས་སྣ་ཚོགས་པདྨ་དང་ཉི་མ་དང༌།རོའི་གདེན་ལ་རང་ཉིད་ཡེ་ཤེས་ཀྱི་མཁའ་འགྲོ་མ་སེང་གེ་གདོང་པ་ཅན།གཡས་སུ་ཡེ་ཤེས་ཀྱི་མཁའ་འགྲོ་མ་སྟག་གི་གདོང་པ་ཅན། གཡོན་དུ་ཡེ་ཤེས་ཀྱི་མཁའ་འགྲོ་མ་དོམ་གྱི་གདོང་པ་ཅན། གསུམ་གའང་མགྲིན་པ་མན་ཆང་སྐུ་མདོག་སྔོན་པོ།ཞལ་གཅིག་ཕྱག་གཉིས་ཕྱག་གཡས་ཉི་མའི་དཀྱིལ་འཁོར། གཡོན་ཟླ་བའི་དཀྱིལ་འཁོར། ཞབས་གཡས་བསྐུམ་ཞིང་གཡོན་བརྐྱང་པའི་གར་སྟབས་ཀྱིས་ཡེ་ཤེས་ཀྱི་མེ་རབ་ཏུ་འབར་བའི་དབུས་ན་བཞུགས་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀཱའི་ཧཱུཾ་ལས་འོད་ཟེར་འཕྲོས་པས། མཁའ་སྤྱོད་ཀྱི་གནས་ནས་ཡེ་ཤེས་ཀྱི་མཁའ་འགྲོ་མ་སེངྒེའི་གདོང་པ་ཅན་ལ་སོགས་པ་མཁའ་འགྲོ་མ་བྱེ་བ་འབུམ་གྱི་ཚོགས་དང་བཅས་པ།གཞན་ཡང་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་བདུན་གྱི་ནམ་མཁའ་སྤྱན་དྲངས། བཛྲ་ས་མ་ཡ་ཛཿཛཿདུས་གསུམ་རྒྱལ་བ་མ་ལུས་སྐྱེད་མཛད་མ། །དམ་ཉམས་དགྲ་བགེགས་ཐལ་བར་རློག་མཛད་མ། །ཡེ་ཤེས་མཁའ་འགྲོ་སེང་གེའི་གདོང་པ་ཅན། །བསྟན་སྲུང་ཆེན་མོ་འཁོར་བཅས་གཤེགས་སུ་གསོལ། །ལན་གསུམ་བརྗོད།

སྤྱན་དྲངས་པའི་ལྷ་ཚོགས་དེ་རྣམས་ཀྱིས་བདག་ཉིད་ལ་མགོན་སྐྱབས་དང་དཔུང་གཉེན་གྱི་ཚུལ་དུ་བཞུགས་པར་གྱུར།རང་གི་ཐུགས་ཀའི་ཉི་མའི་དཀྱིལ་གྱི་སྟེང་དུ་ཧཱུཾ་ཡིག་གི་མཐར་བཟླས་བྱའི་སྔགས་ཀྱིས་གཡས་སྐོར་དུ་བསྐོར་བར་གྱུར། ཨཿཀཿསཿམཿརཿཙཿཤཿདཿརཿསཿམཿརཿཡཿཕཊཿ

ན་མོ་བླ་མ་ཡང་དག་པའི་ཡོངས་འཛིན་དགེ་བའི་བཤེས་གཉེན་རྣམས་ཀྱི་བདེན་པ་དང༌།

ཡི་དམ་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་རྣམས་ཀྱི་བདེན་པ་དང༌།སངས་རྒྱས་དང་བྱུང་ཆུབ་སེམས་དཔའ་རྣམས་ཀྱི་བདེན་པ་དང༌།  དཔལ་དགོན་དམ་པ་ཆོས་སྐྱོང་བའི་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ཀྱི་བདེན་པ་དང༌། ཁྱད་པར་དུ་ཡང་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་པ་ཅན་ལ་སོགས་པ་མཁའ་འགྲོ་མ་བྱེ་བ་འབུམ་གྱི་ཚོགས་དང་བཅས་པ་རྣམས་ཀྱི་བདེན་པ་དང༌།བདེན་པ་ཆེན་པོས་བྱིན་གྱིས་བརླབས་པ་ལ་བརྟེན་ནས།རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པ་ཐམས་ཅད་ལ་སྡང་བའི་སེམས་དང་ལྡན་པ།གདུག་པའི་སེམས་དང་ལྡན་པ།བསམ་པ་ངན་པ། སྦྱོར་བ་རྩུབ་པ་ཐམས་ཅད་ཕྱིར་བཟློག་ཅིང་ཐལ་བའི་རྡུལ་ཕྲན་བཞིན་དུ་བརླག་པའི་འཕྲིན་ལས་མཛོད་ཅིག །མཁའ་འགྲོ་བྱེ་བའི་ཚོགས་རྣམས་ཀྱིས། དགྲ་བགེགས་བྱད་མ་ཐམས་ཅད་ཀྱི། །ལུས་ངག་ཐལ་བའི་རྡུལ་དུ་རློགས། །རྣམ་ཤེས་ཆོས་ཀྱི་དབྱིངས་སུ་སྒྲོལ། །མཁའ་ལ་སྤྱོད་པའི་གནས་མཆོག་དམ་པ་ན། །མངོན་ཤེས་རྫུ་འཕྲུལ་མངའ་བའི་མཐུ་སྟོབས་ཅན། །སྒྲུབ་པ་པོ་ལ་མ་གཡེལ་བུ་བཞིན་གཟིགས། །གནས་གསུམ་མཁའ་འགྲོའི་གཙོ་ལ་ཕྱག་འཚལ་ལོ།།གང་གི་སྒོ་ནས་མི་བསྲུན་སྐྱེ་བོ་ཡི། །བདག་ཅག་བདེ་ལེགས་འཕྲོག་པའི་རིག་སྔགས་སོགས། །མ་ལུས་བཟློག་ཅིང་གཞན་དུ་བསྒྱུར་བ་ཡིས། །བཤད་སྒྲུབ་བསྟན་པ་རྒྱས་པའི་འཕྲིན་ལས་མཛོད། །དགེ་བ་འདི་ཡིས་མྱུར་དུ་བདག །ཡེ་ཤེས་མཁའ་འགྲོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡིས་ས་ལ་འགོད་པར་ཤོག །སྡེ་འདིར་བྱིན་རླབས་དཔལ་འབྱོར་མི་ཉམས་ཤིང༌། །བསམ་སྦྱོར་ངན་པའི་གདུག་རྩུབ་ཞི་བ་དང༌། །སློབ་གསུམ་རྣམ་པར་དག་པའི་ཁུར་འཛིན་པའི། །དགེ་འདུས་ཚོགས་ཀྱིས་གང་བའི་བཀྲ་ཤིས་ཤོག །


དཔྱད་བརྗོད་གསར་པ།དཔྱད་བརྗོད་ཀྱི་གྲངས་ཀ0
དཔྱད་པ་བརྗོད་པ།
དཔྱད་བརྗོད་ཀྱི་ནང་དོན།:ཡིག་འབྲུ་ལྔ་བརྒྱ་ལས་འདས་མི་ཆོག
རུས་མིང་།: གསང་རྟགས:
གསང་མིང་།
ཐོ་བཀོད།